Plysje ûntdekt himpkwekerij yn Wolvegea
Wolvegea, Tongersdei 29 July 2010, 15:06 oereOan de Zeeweegbree yn Wolvegea is woansdei oan de ein fan de middei in frij grutte himpkwekerij ûntmantele. Dêrby binne trije mannen op 'e died trappearre en oanhâlden. De fertochten hiene fjouwer bedriuwsunits hierd. Trije dêrfan wiene yn gebrûk as kwekerij.
De trijetûzen himpplanten wiene al rispe. De wearde fan de opbringst wurdt skat op 270.000 euro. De plysje hat in pear tûzen euro en in auto yn beslach naam.
De kwekerij seach der neffens de plysje profesjoneel út. Der wiene grutte stekken pleatst om stellerij foar te kommen en de stroom waard yllegaal ôftape.
| In bydrage fan: Jaring Rispens | Diel dit artikel: |
 |
