Offisjele iepening útwreiding Tysker Easterwierrum
Wommels, Sneon 01 Maaie 2010, 18:38 oereEasterwierrum- Op 29 april is de oan- en ferbou fan multyfunksjoneel sintrum "de Tysker" yn Easterwierrum offisjeel yn gebrûk nommen. Easterwierrum (Hynstetyskers) hat wat mei hynders. Dêrom brochten trije amazônes yn wedstriidtenu in Gouden Toer nei "de Tysker".
Foarsitter fan Doarpsbelang Anneke Monsma oerlange de priis oan de bouploech as wurdearring foar alle wurk dat hja, mei in hiele protte frijwilligers, fersetten ha. Troch selswurksumheid, fûnsen en foaral de meiwurking fan boubedriuw Bootsma en ynstallaasjebedriuw Van der Meer koe dit projekt realisearre wurde. Korps, koar en toaniel ha no in bettere akoestyk, der is in flinke opslachromte bykommen en de keuken is fergrutte. Jûns wie der feest foar alle frijwilligers.
Foto f.l.n.r.: de amazônes Hiske Gietema, Daniëlle Koster en Wietske Hettinga; fan de bouploech: Hedzer van der Meer, Julius Galama, Rintsje de Boer en Theo Visser (Jo-Albert Kooistra ûntbrekt) en foarsitter Anneke Monsma.
Foto amazônes: f.l.n.r.: Daniëlle Koster, Hiske Gietema en Wietske Hettinga
| In bydrage fan: Jaring Rispens | Diel dit artikel: |
 |
.jpg?website=implementatie&width=82&height=63&func=min&image=4787099ac39c.jpg)
