Jellum-Bears ûntfangt Alvestêdekuierders mei koeke
Wommels, Freed 07 Maaie 2010, 13:12 oereJellum-Bears- Tiisdei 11 maaie giet de Alvestêdekuiertocht wer fan start. De rûte lâns de Fryske alve stêden wurdt yn fiif dagen rûn. Dêrfan steane op de earste dei de 49,5 kilometer fan Ljouwert nei Sleat op it programma. Ien fan de earste doarpen en gemeenten dêr’t de kuierders trochhinne komme, is it moaie Jellum yn de gemeente Littenseradiel.
Om de kuierders oan te moedigjen, krije se fan doarpsbelang Jellum-Bears en de gemeente Littenseradiel in koeke oanbean. Fan healwei achten ôf stiet Marijke Hoekstra fan Doarpsbelang mei in oantal helpers klear mei de traktaasjes krekt foarby it spoar yn Jellum.
Foar de gelegenheid wurdt der in spandoek ophongen mei de tekst ‘It rint sa’t it rint, mar yn Littenseradiel rint it it moaist’.
Gerelateerde artikelen
Wethâlders Snits partsje sop om oan kuierders
| In bydrage fan: Jaring Rispens | Diel dit artikel: |
 |
